吳啟華、朱千雪、黃心穎及王浩信等昨日到赤柱為新劇《再戰明天》開工，穿上防暴裝備的啟華型爆登場，他自爆拍到呼吸困難，更「見紅」收場：「全副武裝唔辛苦，手腳會論盡啲，但要戴防毒面具同做動作就呼吸好困難。（有冇特別場景？）有場戲我會畀人插到頸上大動脈，會好多血同核突啲！」自嘲老骨頭的他又自爆拍攝期間跌倒：「有場戲我會畀對方用爽身粉潑面，可能當時地下好跣，我哋一齊跌落地，我係老骨頭唔襟跌喇！」

有苦自己知的吳啟華（中）表面型爆，原來拍攝時曾不慎跣低。

王浩信（左起）、朱千雪、黃心穎、吳啟華及黃德斌全副武裝上陣，夠晒氣勢！

同場的千雪指拍攝不辛苦，因體能好OK；心穎則自嘲體能「水皮」：「上次拍完沙灘操體能場戲，搞到我全身痠痛！」