馬賽前緋聞男友、「巨聲幫」大孖周志文昨日偕女友袁紫僑（CoCo，前名袁聖殷）出席慈善籃球賽。有傳馬賽搭上「空少」，CoCo懶理對方新緋聞：「我唔理呢啲嘢！（你哋有過不愉快事？）好耐啦！都兩年前。」對於馬賽被指是「小三」，CoCo則說：「呢啲我唔方便幫佢答。（怕佢再煩志文？）合作都有機會，但我唔驚。（同男友約法三章？）冇，我對佢有信心。」同場的陳偉成（Avis）獲女友尹蓁晞（Yumi）撐場，他自爆吃過Yumi的煮食後肚屙。而許家傑則否認與龔嘉欣撻着：「現階段做嘢行先，同嘉欣維持朋友關係。（對佢有意思？）唔係！拍拖放埋一邊，遲啲先算。」

周志文與女友CoCo拍拖到場晒恩愛，難怪她對男友如此信任！