人氣電視劇《摩登家庭》（Modern Family）女星Sarah Hyland前日在澳洲出席活動時，被男粉絲乘機鬼祟揸胸，Sarah大叫「咪摸我呢度！」其男友更為她挺身而出，隔空大罵該男狂迷！

在美劇《摩登家庭》飾演鄧菲爾（Phil Dunphy）和鄧嘉宜（Claire Dunphy）長女鄧海莉（Haley Dunphy）的23歲女星Sarah Hyland，日前與女星蘇菲亞維嘉娜（Sofia Vergara）和Ariel Winter等同劇演員飛往澳洲，將逗留兩星期拍攝節日特別版。據當地報章指，劇組人員前晚到悉尼一間酒店出席活動時，一名男子上前要求與Sarah合照，期間乘機胸襲她！

有目擊者表示突然看到Sarah眼泛淚光，激動地推開及指着該名男子大叫：「咪摸呢度！」保鏢隨即召喚警員到場，29歲男子被控不雅襲擊罪，其後獲准保釋並於下月14日出庭聆訊，最高刑罰可判監禁5年。Sarah當晚身穿及膝裙尚算密實，只騷手臂和稍露事業線，但該男子仍對她上下其手，認真狼胎！有指他經常與不同女星合照「集郵」。眼濕濕的Sarah在影星男友Matt Prokop護送下乘車離開，事後她在Twitter留言表示要先行離去，向粉絲「耍冧」。

眼見Sarah被抽水，其男友Matt怒不可遏爆粗留言大罵該名男子：「祈求下星期咪再見到嗰個X街！Sarah只係想同喺外面等嘅女粉絲打招呼，點知畀一個唔經大腦嘅人破壞晒！」但他事後為自己的爆炸性留言致歉，並指美國人都會尊重女性。

收拾心情出海晒美腿

昨晨，Sarah如常到邦迪海灘繼續拍攝，還自拍白滑靚腿照，並留言「天堂與地獄」，明顯心情已好轉。攝製隊下周會到海曼島及大堡礁進行兩日的拍攝工作。