組合HotCha成員黎美言（Winkie）向來身材均勻，但她直言減肥是每個女性的畢生工作﹕「尤其我易肥又易瘦，要喺飲食方面好好注意，之前睇過營養師，佢提議我飲食要多蔬果少油分，唔好食甜嘢同戒凍飲，同埋最老土係最好，就係飲多啲水。」自言喜歡食辣的她表示，會嚴格跟隨這餐單去做，即使食得再辣，亦不會影響健康。

Winkie表示一向有做運動的習慣，難怪咁Fit。

學過鋼管舞的 Winkie擁有纖腰和一雙美腿，令人羨慕。

Winkie（右）和Crystal一起推介健康食品。

身材均勻的Winkie靠食烚雞胸肉和烚蔬菜保持美好身段。

除了飲食外，Winkie又一直保持做運動的習慣，她說：「我近年一路有做高溫瑜伽，同埋定期跑步，兩樣都幫我出汗排毒。」同時她又分享一個快速減肥秘訣﹕「係一個拳手教我，就係食菜同食肉，一份烚雞胸肉同一份烚蔬菜，食幾多都得，一肚餓就可以食，我跟住呢個做法，最快一個星期左右可以減到七至十磅。」Winkie又笑言因稍後要為新歌拍攝MV，故此近日都用這方法來瘦身，希望MV拍出來的效果滿意。