黃百鳴力捧新人盛君最近工作不斷，早前忙裏偷閒與歌唱老師李思菘及朋友遠赴丹麥遊玩一星期，並出席當地的音樂節，笑言感受到音樂與大自然融為一體：「好多人玩Cosplay，好得意，好多都係三五知己或一家大細嚟，可以聯誼吓。音樂節喺戶外舉行，有種郊遊感覺，真係好好玩！」還坦言此行獲益良多：「我自小好鍾意音樂，學過鋼琴，依家雖然拍戲，但唔想放棄音樂，所以跟李思菘老師學音樂，學唱歌之餘亦深造鋼琴技藝。」問到是否發展歌唱事業？盛君指言之尚早，現階段仍專注電影工作，希望拍出自己的代表作：「一步步嚟，唔可以操之過急，但日後會發展自己喜愛嘅歌唱事業！」

丹麥花園是盛君最愛的好去處，每日都會在草地上享受陽光溫暖，花香處處！

盛君以「潮」味的年輕打扮出席丹麥音樂節。

盛君大讚當地生活清閒，非常舒服。

提到丹麥，盛君除了欣賞美景清幽外，還讚當地人很友善：「一個退休生活嘅好地方！花園係我每日必去嘅地方，裏面有一大片草園，又有唔同品種嘅花，真係鳥語花香！」問到有否大出血？她坦言主攻當地特產瑪瑙：「香港乜都有，唔使特登去到咁遠Shopping，只係買咗瑪瑙首飾同藝術品做手信。」