初踏茶餐廳水吧的組合農夫陸永與C君學沖奶茶，雖然自譽「奶茶品味總監」，但原來品味與落手沖茶完全是兩回事，兩人矇「茶茶」兼雞手鴨腳，將廚房反轉再反轉！他們又透露一直有意進

農夫成員陸永（右）與C君學沖奶茶，笑言平時睇人沖易，實則相當高難度！

C君沖茶天一半地一半，搞到陸永要幫手善後抹枱。

農夫無論師奶抑或小妹妹都冧得掂，睇嚟做樓面好過！

Step 1：溝茶
溝茶這一步決定了茶味的香濃度，可用一至兩種碎茶葉滲入較高級的錫蘭紅茶，帶出茶香。

Step 2：大滾水沖茶
把茶葉放進茶壺內，用白棉布縫製的茶隔沖茶，再用接近100度的熱水沖泡。

Step 3：焗茶
沖好茶後蓋上壺蓋，焗的時間要準確，過短則會太淡，五分鐘剛剛好，茶味不澀。

Step 4：撞茶溝奶
最後將沖好的茶倒入空置茶壺，再撞回盛有茶葉的壺中，反覆撞兩至三次便算沖好一個好茶膽，然後再按3/7黃金比例加入淡奶，一杯靚奶茶便大功告成！

軍飲食界，C君更曾計劃衝出香港開餐廳，可惜最終因合夥人風水唔夾而「撻Q」！

玩Rap當然考不起農夫，但沖一杯靚奶茶卻令兩人相當頭痕，事關沖奶茶學問相當講究，由溝茶葉至溝奶，每個步驟都不容有失。初踏水吧重地的農夫雖有女師傅指導，但仍雞手鴨腳，C君撞茶時更倒瀉到整張枱濕晒，他說：「真係好難！我唔明姐姐點解可以冇事，佢真係唔會漏瀉。」陸永則自言最忌滾水：「我都唔好得好多，雖然平時都入廚房整幾味，但我好驚滾水，仲要滾成咁。」

經過一輪沖沖沖，農夫學識了不少沖茶理論，笑言榮升「奶茶品味總監」：「分到點先為之靚奶茶，就係3/7黃金比例，三分奶、七分茶。我哋有時一飲就知師傅係沖左『4/6』，咁就冇咁好飲啦！」兩人又預告將會與大病初愈的張達明合作搞Talk騷：「好放心交晒畀佢哋諗，見過幾次面，大家都喺茶餐廳邊飲奶茶邊度橋，可能見到好多人喺度出出入入，有好多靈感刺激吓。」難得與大師級合作，農夫指當上堂偷師：「成個騷應該主講係達明，佢最近經歷咁多事，可以有咁多嘢分享，我哋會唱多啲去配合。」

計劃搞Cafe回報低

有意今年出碟的農夫自與星煥國際解約後，一直保持自由身，但原來最近已秘密簽了新唱片公司：「轉咗邊間就未講得住，要等件事做好先一齊公布。」回歸樂壇，兩人選擇反璞歸真，想找回初入行的感覺，C君笑說：「想發財立品，將音樂變番做興趣，唔需要太多商業考慮，依家做音樂真係賺唔到錢，橫掂呢樣嘢都賺唔到錢，仲咁多考慮做乜，依家完全鍾意想點就做。」

有理論、有經驗又有本錢，農夫本想自立門戶，進軍飲食界做老闆，但因為風水關係而無緣開舖，C君說：「有諗過進軍飲食業，去台灣開港式餐廳，差啲開咗喇！舖位都睇晒，但風水師傅話我做飲食唔好，所以咪唔做住。」問到可會與陸永合夥？C君打趣說：「佢冇咁多錢，佢要湊女。（東山再起？）唔知呀！呢啲要有人撩我先會。」

陸永亦曾打算開Cafe而四出做資料搜集，最後發現成本高、回報低而擱置計劃：「我四圍問吓開Cafe嘅朋友，原來真係好慘，首先要好大筆投資，就算做得好掂，每個月實際都係賺到一萬左右，做到損手爛腳，都係Rap番算啦！」