緋聞男女陳展鵬和鍾嘉欣前晚在西貢片場拍攝落水戲，要嘴對嘴人工呼吸！本應是浪漫的劇情，但他們在11度低溫下拍攝，凍到全身發抖，只想趕快拍完收工！

不諳水性的嘉欣落水時步步為營。

嘉欣和展鵬在水面咀完，潛到落水底都繼續咀。

嘉欣和展鵬在11度低溫下拍落水戲，凍到震！

嘉欣因不懂游水，故拍跳水戲時要用替身。

嘉欣落水前先食定朱古力增加熱量。

緋聞男女陳展鵬和鍾嘉欣繼上次為新劇《大藥坊》取景時被拍得在山上拖手後，前晚再為該劇拍攝落水戲，繼續奉旨談情！劇情講述展鵬要為缺氧的嘉欣做人工呼吸，故二人要在水中嘴對嘴，上演一幕人工呼吸的浪漫戲份，可惜當晚天氣寒冷，只得11度，加上陣陣寒風，令二人冷得不停顫抖，他們都表示除了要特地購買私伙潛水衣外，落水前及上水後都要圍毛巾保暖，還要食朱古力和狂飲熱飲。

問到會否擔心咀戲會令嘉欣男友呷醋時，展鵬說：「我好少理，而且大家都係演員，又唔係第一次合作。（有晒默契？）係呀！冇隔膜。」談到嘉欣為此劇拍外景時失竊三千多元，問到有否呵番對方，展鵬笑說：「係咪應該唔好再喺佢面前提呢件事？應該詐唔知！費事提起佢啲傷心事，以後惟有大家互相幫吓眼，睇住啲貴重嘢！」

「男友」落水變鱷魚

而嘉欣因為不懂游水，跳水戲要以替身代勞，其後的水中戲才親身上陣，她笑言與拍劇集《飛虎Ⅱ》時的落水戲相比，已經沒有那麼驚恐，又大讚展鵬泳術高超：「佢游水好勁！嗰次我哋喺新娘潭拍落水戲，佢可以好似鱷魚咁慢慢開眼！」問到拍咀戲前有否跟緋聞男友伍允龍備案，她說：「冇喎！工作嘅事，我大個女自己搞得掂喇！我入行都十年啦！」