廿四孝父親鍾鎮濤（B哥）為細B女鍾幗（Eloise）補祝上月12日的4歲生辰，上周六他在迪士尼舉行生日派對，當鍾幗驚見真人版灰姑娘時即變成「問題小妹」，非常可愛！

為慶祝細女鍾幗的4歲生日，B哥、女友范姜、大女鍾嘉晴、鍾懿及鍾幗的同學仔在主題公園舉辦生日派對，昨日B哥在微博上載了多張壽星女在生日會上的照片，化身小米妮的鍾幗，與「真人版」白雪公主、灰姑娘及長髮公主合照，十分開心。

開Party娶范姜

昨日B哥接受電話訪問時透露，鍾幗是首次在迪士尼樂園開生日會，當她見到一班「公主」時即興奮地說：「Eloise係咁捉住啲公主傾偈，又問點解長髮公主啲頭髮短咗咁多，又問點解嗰位公主冇嚟，問咗好多問題！」

至於本月23日將度過61歲生日的B哥，問到可有慶祝活動，他表示因現在忙於與曾志偉準備廣州的獎門人演唱會，故未有時間計劃慶祝，加上公司是首次投資，希望事業更上一層樓。問到今年會否與女友范姜拉埋天窗，他笑說：「係住先啦！其實都係開一個Party啫，咁生日唔搞，咪搞第二啲Party囉！」