楊怡、馬國明（馬明）與陳山聰等昨日參與新劇《官場浮世繪》開鏡，再與馬明合演情侶的楊怡表示時裝劇與清裝劇有別，笑指如今是談另一段情，又指二人合作愉快，加上默契十足，毋須再花時間磨合，還預告與馬明會有咀戲。對於有指馬明喜歡向監製要求加咀戲，楊怡即笑說：「到時我話Kiss佢又笠水，總之場戲係喺唔正常環境下發生，好美麗嘅！」

楊怡與馬國明合作無間，甚有默契。

陳山聰得金牌監製李添勝（右二）厚愛，開新劇梗預埋佢。

而陳山聰劇中飾演謝雪心兒子，問到有否掌摑戲，他笑說：「應該冇，我係演孝順仔！」談到校長譚詠麟於微博上載與他飲早茶的照片，陳山聰表示與阿倫熟落：「以前我係藝能，又係明星足球隊，會一齊踢波。（佢幫你改名『晨跑之子』？）多謝，今朝佢都有分享做演唱會嗰時跑步有幾犀利，8公里半個鐘就完成，不過冇講減肥心得。」