張文慈、吳卓羲及李璧琦前晚到九龍灣出席新春晚宴，以粉紅色低胸裝亮相的張文慈，提到亞視指將會開劇，她竟大潑冷水說：「到時先算啦！都講咗好耐。（主力內地發展？）唔係，呢排上去登台，香港冇人搵我啫，順其自然啦！（拍緊拖？）都係一片空白，之前喺內地都有人追，但係唔啱！」對於嘉欣「跌錢」，她昨日接受電話訪問時說：「我都好大頭蝦、好懵，成日都唔知啲錢去咗邊，但冇耐工人洗衫又會喺我啲衫袋褲袋搵番出嚟，好多時都唔知係真唔見定假唔見！」

性感谷胸的張文慈自稱大懵，「唔見錢」早已習以為常！

吳卓羲與李璧琦齊齊悉心打扮出席晚宴。

吳卓羲新年期間與友人到馬來西亞度假，問到同行友人可有發展機會？他說：「唔會啦！全部都係識咗十幾年嘅朋友，今次係同朋友、屋企人去放假充電，都有十年未正式去過旅行。」單身的李璧琦則表示要努力賺錢買姑婆屋！