鍾嘉欣荷包離奇蒸發3,500元，其男友伍允龍早已「收到風」，緋聞男友陳展鵬卻不知情！伍允龍昨晚接受電話訪問時說：「佢有同我講過，我叫佢搵清楚啲先，搵唔到都唔緊要，第時會搵得番喇。（買份禮物氹番佢？）唔使啦！其實嘉欣本身係個小心嘅人，做嘢有手尾！」

早知嘉欣「唔見錢」的伍允龍，指對方一向小心謹慎！（資料圖片）

陳展鵬對嘉欣「唔見錢」一事毫不知情，又自爆近期經常失憶。（資料圖片）

至於跟嘉欣傳緋聞兼有份拍《大》劇的展鵬說：「唔知喎！（叫佢小心啲？）佢有助手啦！其實我有時都會將個銀包放喺公司架小巴度，以後都要盡量小心。嗰啲錢好難追得番喇，咪當破財擋災囉！呢啲事間中都有聽聞。（擔心公司同事手腳有問題？）對同事操守好有信心！最近畀大家封咗個名叫『失憶王』，成日都唔記得啲嘢放喺邊，都係時候請番個助手喇。」