性感女神周秀娜昨日穿黑色露背高衩裙到黃埔海旁出席記者會，宣布與蕭定一的中國3D數碼娛樂合作，並以二千萬元酬金接拍12部電影，蕭定一安排娜姐坐私人遊艇出場，但她落遊艇時踩裙腳險仆，轉身簽名又露小波邊。對於獲賞識，娜姐大感開心及滿意酬勞：「最開心係可以同唔同導演合作。（有決定權揀對手、劇本？）會參與吓，一哥咁錫我，會安排好好嘅創作班底。（想同邊個做對手戲？）一向鍾意金城武！」會上宣布娜姐今年先跟張智霖合演葉念琛執導的港版《風月俏佳人》（暫名：《千億惡魔愛上我》）及《3D紫荊俠》，問到在《千》片中會否性感演出？她指細節未定：「會去唔同地方取景。（有激情床戲？）信得過佢哋，我冇問題！」

蕭定一即席送帆船給娜姐，寓意一同乘風破浪。

坐遊艇出場的娜姐獲兩名猛男貼身護駕，非常架勢！

問到合約有否限制不准結婚生仔？娜姐笑說：「結婚可以，但唔畀生仔同拍拖，咁多套戲要拍，都想專心工作先。」並笑言買了一架Benz名車獎勵自己，但尚未買樓。