近年接司儀Job接到手軟的林盛斌（Bob），本住「扮得有咁盡得咁盡」精神，早前再次擔任司儀時竟「變性」化身神奇女俠，大騷「玲瓏浮凸」身材兼「海膽」，認真攞膽！

藝人林盛斌（Bob）出名搞笑又肯搏，口才了得的他近年成為司儀界新寵，不少大公司及品牌活動都爭相向他招手，司儀Job一單接一單冇停手。樂於為主持工作搞搞新意思的阿Bob，不時犧牲「色相」扮嘢現身，繼早前與前港姐楊洛婷拍住上以SM Look示人後，計仔多多的他今次竟「變性」化身神奇女俠！他在微博上載一張穿上全套神奇女俠裝備的照片，並一臉愁容地留言：「做司儀啫，搞咩呀喂？加錢呀喂！」穿上紅色Tube Top的他盡顯「玲瓏浮凸」身材，但呢位神奇女俠似乎不太稱職，竟然未剃清腋毛及露晒透明Bra帶！

網友爆笑：想打爆個Mon

不過，阿Bob這種豁達精神依然深得網友讚賞，有網友搞笑留言：「好好笑！特別嗰兩條隱形帶！」、「想打爆個Mon！」、「將就吓啦，搵食艱難呀！」