宣萱及黃智雯等前晚欣賞羅敏莊主演的音樂劇《DOGs》。問到剛與一班朋友到韓國遊玩5天的宣萱，同行可包括曾談心7小時的男子，她說：「唔包括，係成班女仔一行7人，嗰個男人好多年前已經屈過佢一次，我哋識咗好多年！影到男嘅就話係對象，女嘅就話我係同性戀！（有冇遇到韓國型男？）唔係好啱我口味喎！溝通唔到！」而黃智雯日前到新加坡宣傳劇集《飛虎Ⅱ》，回來後便病了一星期，情人節要留在家中休息度過。問到與男友咀嘴會否怕交叉感染，她說：「當日男友同家人慶祝，我煲粥畀自己食。」

宣萱（左）專誠到場支持羅敏莊的音樂劇，甫見面即相擁合照。

林夏薇（左）及黃智雯亦到場支持。