鄧紫棋（G.E.M.）自參加內地歌唱比賽《我是歌手2》爆紅後工作不斷，就連剛過去的情人節，台灣男友林宥嘉都不在身邊，只能在睡夢中度過的她笑說：「情人節已經唔屬於我，太忙啦！」

G.E.M.坦言情人節在工作中度過。

G.E.M.高呼情人節冇人陪，男友林宥嘉惟有隔空傳情啦！

歌手G.E.M.昨日到理工大學出席活動，提到王祖藍早前在內地節目中惡搞她一事，她聞言即哈哈大笑，對於祖藍模仿她唱《存在》的片段在網上熱爆，她大讚對方扮嘢功力了得：「好勁！好似呀！似到有啲驚，連個肚腩都似埋！」問到被惡搞有否不開心，她坦言祖藍事前已跟她提過。又問到祖藍改歌詞自嘲個子矮，似在嘲笑她的高度，G.E.M.笑說：「佢自己都係矮，佢企喺我身邊唔高得去邊，我着高踭鞋同佢一樣高！（男友林宥嘉高定係祖藍？）咁我同祖藍距離近啲！」

忙到甩轆

G.E.M.直言情人節沒有慶祝：「情人節已經唔屬於我，太忙啦！」情人節前夕她更在佛山演唱，回家後即倦得倒頭大睡。問到有否與男友互發短訊，她即以睡夢作擋箭牌，當記者取笑她男友是否睡在身邊，故不用發短訊時，她即大呼：「冇呀，唔係呀，唔係呀，我一個人咋，我唔講大話o架！」