無綫藝人梁烈唯昨日以導跑員身份，帶領失明人士鄧子朗跑十公里賽，最後以58分完成賽事。唯唯謙虛指這不是子朗的最佳成績，感謝對方遷就。首次在港跑馬拉松的唯唯指「處男跑」是在北極，問到是否比當時輕鬆？他說：「喺北極好多裝備，當時我就嚟死，但個心情係輕鬆嘅，好似觀光咁。今次就唔可以觀光，因為好多人，要搵路嚟行，唔好有意外，開頭用咗好多力同時間去搵路，反而冇咁輕鬆，尋晚仲發夢自己抽筋！」
梁烈唯（右）為失明人士導跑，自言有壓力怕出意外。
