陳寶珠與梅雪詩（阿嗲）在《再世紅梅記》中，演活才子佳人的生死愛戀。現實中，寶珠姐與阿嗲各有愛情觀，寶珠比較傳統，反觀阿嗲則勇於追求愛情，對於年齡差距或姊弟戀等，阿嗲說：「根本唔係問題！」

即將開鑼的寶珠姐坦言，不敢奢望獲師傅白雪仙調高評分。

陳寶珠（左）和梅雪詩的愛情觀大不同，前者傳統，後者前衞。

任劍輝與白雪仙的愛徒陳寶珠與梅雪詩，近月為任白慈善基金演出《再世紅梅記》，戲中裴禹與李慧娘雖人鬼殊途，但那份衝破命運阻隔的愛感動萬千戲迷。問到兩位老倌，現實中可會勇於追求如姊弟戀之類備受輿論壓力的愛情？寶珠慨嘆：「人哋我就覺得冇所謂，但要我同個後生卅年、廿年、十年嘅男士一齊，就點都唔係咁好，如果早幾十年，我可能會去試，但依家我呢個歲數，搵個卅歲？唔好啦！兩個人行出嚟，我接受唔到囉！」

信緣分天定

而阿嗲則堅信緣分天定：「只要兩個人享受、互相關心，我覺得冇所謂。我又未婚、未有家庭，所以會答『隨緣』囉！正如仙姐教戲話齋，感情係教唔到，唔可以夾硬質畀你，要自己慢慢領悟。其實唐滌生（粵劇劇作家）筆下嘅才子佳人，比現代人愛得更加情狂，相比之下，時下嗰啲年齡差距、姊弟戀，根本唔係問題！」

不奢望高分

寶珠與阿嗲雖有上月文化中心首11場的演出經驗，但仍不敢奢望獲師傅白雪仙調高評分，寶珠姐說：「上次仙姐畀我哋60分，嚟緊保持唔攞少過60分已經好開心！邊敢奢望攞90分？我對仙姐又敬又畏，好似返學攞成績表咁！（點睇外間將你同龍劍笙比較？）我覺得冇得比較，大家同為師傅門下，演繹方式都係朝任姐（任劍輝）方向去做，出嚟效果各有各味道囉，壓力係有，但只係緊張記曲詞！」阿嗲則希望不再蝦碌：「上次我有場換唔切衫，蝦碌咗，好在觀眾包容，嚟緊我都係保持60分已經好開心！其實我諗起排戲已經緊張，好驚發台瘟。後日（18日）開始售票，希望大家多多支持啦！」