林峯於雙料情人節當天與前緋聞女友佘詩曼於工作中度過，二人昨日繼續在旺角拍攝圍毆戲。林峯透露日前已跟女友吳千語食飯慶祝，又互送Handmade禮物，更表示新年有致電女友家拜年，一於行「外母政策」！

飾演蠱惑仔的林峯，英雄救美保護「臥底」阿佘。

林峯為保護阿佘，不惜踢腿擊退敵人，夠晒Man！

無綫小生林峯與花旦佘詩曼昨日現身旺角，為新劇《使徒行者》拍攝街頭毆打戲，劇情講述二人被尋仇遭圍毆，飾演蠱惑仔的林峯，英雄救美保護「臥底」阿佘，踢腿兼耍棍擊退敵人，非常肉緊！但「貪錢唔愛命」的阿佘在危急關頭時只顧踎低執錢，相當搞笑！

前日雙料情人節，雖然林峯要開工，未能與女友吳千語共度佳節，但他透露已提早食飯慶祝。提到千語BB送贈手工藝品，林峯甜笑說：「唔講得係咩。（溫暖牌？）唔係，係好有心思嘅嘢就心滿意足。」他又透露送了Handmade禮物給對方，他說：「唔係咁普通嘅嘢。（整愛心大餐？）我有諗過，但唔係。（點解唔實行？）我哋唔會整咁普通嘅嘢，平時都可以整大餐啦！」至於新年有否去女友家拜年，他說：「冇，但我有打電話。」對於有傳千語BB買送子觀音，他說：「我從來未見過呢啲嘢，咪亂咁講呢啲嘢，好悶呀！」

拍拖順其自然

而曾跟林峯傳緋聞的阿佘表示，前日與他開工度過情人節，問到是否感到可憐？她說：「OK啦！（恨拍拖？）順其自然啦！（依家有拖拍？）冇。（有人追？）呢排忙啲，開工呀！」問到情人節追求者有否趁機約她？她即拖林峯落水：「都知約唔到，因為入組拍戲唔得，我尋日咪同林峯過囉！」談到好友梁靖琪離婚，問到有否聽對方傾訴？她說：「佢大個女識得處理。（佢唔開心？）作為演員應該好識控制情緒，佢OK。」