張可頤與江美儀前晚一起欣賞音樂劇，自稱愛情「醞釀中」的張可頤自嘲情人節「冇仔陪」：「我好冷清呀！美儀最有義氣，佢拋低男友陪我。」其後她大爆接受姊弟戀：「我唔鍾意靚仔，（接受姊弟戀？）都OK，只要靈魂比較接近同有默契。等佢同我行山先啦！我等得嘅！」

江美儀（右）拋低男友陪張可頤過情人節，真係有義氣。

馬國明（右）與山聰都笑言Dry爆過雙料情人節。

此外，馬國明和陳山聰昨日拍新劇《官場浮世繪》，二人都表示Dry爆過雙料情人節，「男神」馬明更於本月13日生日，但他表示兩個重要日子都在工作度過，亦沒有約緋聞女友朱晨麗和朱千雪。而回復單身的山聰則笑言情人節跟全智賢過：「睇劇集《來自星星的你》。（冇晒失戀傷感？）唔會喇！有媽咪、家人同朋友，同埋遲啲就會有（女友）o架啦！」