杜汶澤抄星爺調戲DaDa

杜汶澤和陳靜（DaDa）等昨日為電影《唐伯虎衝上雲霄》拍攝海報，飾演飛機師的阿澤穿越時空回到古代，取代唐伯虎到處留情，拍攝時阿澤揹住飾演石榴的DaDa團團轉，被對方拿起木櫈仔作狀掟他，又被文凱玲和鍾采羲等美女包圍。問到會否擔心與當年周星馳的「唐伯虎」作比較？阿澤笑說：「唔介意話我抄襲同比較，好嘢唔怕抄，星爺冇可能超越到，咁多億票房喎！（同DaDa再合作覺得點？）進步好多，冇以前咁去到現場記唔到對白，會做好準備，上到位係有原因。」對於新片與近期熱爆的韓劇《來自星星的你》穿越時空的情節相似，阿澤即踢爆老婆田蕊妮煲劇煲到中晒毒。