郭富城元宵冧爆攬錫

郭富城昨日在慈善長者活動中擔任「敬老大使」，被一班公公婆婆當正孫仔係咁摸，他笑說：「我好鍾意老人家，覺得好似返老還童，我媽咪都係一樣。」孝順仔城城又透露前日在屋企陪「情人」度過情人節兼元宵節：「我同媽咪過，都有攬佢錫吓佢，佢仲煮咗廿幾粒湯圓，好彩我阿哥一齊食，最緊要媽咪開心！」問到可有情人陪伴？城城笑言視工作為「情人」，因之後半個月內要連拍兩個廣告，下月又要開新戲，大呻會較少時間與媽咪見面。