藝員葉翠翠母親前晚因器官移植出現併發症而病逝，飽受喪母之痛的翠翠昨日堅持為其主持的節目《姊妹淘》進行拜神儀式及錄影。她受訪時一度痛哭，平復情緒後才說：「尋晚拍緊《搵個好男人》，屋企人打嚟話媽咪停咗心跳急救緊，我趕到醫院佢又有心跳，因為應承咗監製話睇一睇就返去開工，逗留咗20分鐘諗住返去，同事叫我唔好返去！一行開媽咪又停咗心跳，但返轉頭又有番，我知道媽咪如果講到嘢都會叫我返工，所以今日繼續開工。（媽咪咩病？）佢之前做咗器官移植手術出現併發症，入咗醫院兩個星期，試過停止心跳，要靠強心針維持生命。（見到媽咪最後一面？）佢停止心跳嗰刻都喺佢身邊，好多謝監製叫我唔好返去拍嘢。」

重投工作的葉翠翠難掩喪母之痛，受訪期間一度落淚。