歌手雨僑新年期間到美國登台，順道遊覽當地的美術館、睇騷及品嘗地道美食，問到新年可有逗利是，她表示逗了五位數字：「因為我唱嗰場騷，嚟睇嘅全部都係達官貴人，佢哋嚟食飯每圍要成1,888蚊美元，除番計每位要成過千蚊港幣，仲貴過紅館演唱會，所以畀利是畀得特別闊綽！」問到是否歌酬特別高，她笑言是「開心價」，唱十首歌便有六位數字酬勞。問到在美國可有艷遇，她不諱言有兩位男士向她獻吻，但卻沒有蝕底：「表演時，有人衝上台送花，仲突然搭我膊頭同錫我塊面，不過一位係伯伯，一位係小朋友，咪當美國人特別熱情囉！」她又表示想經理人公司老闆蕭定一請她到馬爾代夫度假，但機會很微：「我梗係想啦！不過老闆一定會話今次咪請咗我去美國囉！」

在美國登台的雨僑大受男士歡迎，獻花之餘更來個合照。