歌手陳柏宇與女友符曉薇人前人後大晒恩愛，陳柏宇最愛鏡頭前大講甜言蜜語，而女友符曉薇亦在微博「蜜蜜」上載煙韌合照，令網友大呼羨慕！

雖然微博成為符曉薇的晒愛平台，不過有時晒得悶，都要尋找生活新情趣。

近日，她對男友陳柏宇（Jason）認真「唔話得」，上載Jason左擁右抱照，更拉埋靚女江若琳，齊齊挨住男友合照，難怪Jason得戚又威風，更翹起雙手扮大佬，而符曉薇則似乎素顏上陣。不過一啖沙糖，另一啖必出事，一轉頭就見她在微博放上被太陽曬到慘變瞇眼的Jason醜照，相反符曉薇及符契媽就雙雙戴墨鏡，潮爆登場，而她更嘲笑男友是路人丙：「好錫我的契媽，後面仲有個路人丙喺度曬太陽。」雖然被女友如此「網絡欺凌」，但正所謂打者愛也，兩人其實在晒幸福。