「人妻」周家蔚與糖妹昨日以參加者身份出席無綫節目《我要做老闆》記者會，家蔚表示有意投資六位數搞童裝、網上免費雜誌及軍錶生意：「童裝係老公（洪天明）要我搞，呢個係佢嘅Idea，我只係幫佢完成心願，因為佢鍾意拍戲同搵大錢。」她坦言考慮到各位媽咪的不便，打算用魔術貼設計BB衫。

周家蔚有意做老闆搞童裝生意。

而曾拍飲食節目《甜姐兒》的糖妹則想投資甜品生意，她表示若落選會將計劃押後：「呢個係小小嘅心願，因為有人話內地、馬來西亞開晒『糖兄妹』、『糖妹』糖水舖，見到就好嬲，自己都想開間，有啲舖頭仲用埋我紮髻個樣。（涉及侵權？）我喺內地未申請，加上呢個範疇比較複雜！」