霍啟山緋聞女友Lea T.日前於布吉大解放，僅以手掩胸拍無上裝照片。朋友把她的索爆照片上載到網絡後，即引來不相識的人向她求婚，可見她魅力沒法擋！

躺在沙灘上的Lea T.僅以雙手掩胸拍照，噴血程度達十級！

難得到泰國布吉旅行，Lea T.又點會錯過玩獨木舟呢？

Adrian（左起）、Lea T.及新鴻基地產代理有限公司租務總經理馮秀炎齊齊出席活動。

霍啟山模特兒緋聞女友Lea T.、黃日華女兒黃芷晴（Adrian）及新鴻基地產代理有限公司租務總經理馮秀炎，昨日出席《apm國家文物婚書珍藏暨新世代結婚消費調查》活動。Lea透露剛與友人到泰國布吉旅行兼曬太陽，但啟山沒有同行。

狂蜂浪蝶求婚

除了玩水上電單車及獨木舟外，她更在沙灘拍無上裝照，問到有否裸泳，她尷尬地說：「其實我好怕醜，唔敢裸泳，淨係影幾張相嘅時候除咗個Top，加上當時淨係得幫我影相嗰個女仔朋友喺度，冇其他人見到！」她又笑言朋友將其照片放上Facebook後，即有人向她求婚：「其實向我求婚嗰個人從來都未見過我，只係喺我朋友嘅Facebook度見到張相，叫我朋友幫佢問我可唔可以嫁畀佢，不過呢件事當然冇下文啦！」問到情人節有沒有約會，她笑說：「等緊鍾意嘅人約。」

至於同場的Adrian否認其母親初二發燒入院，並表示母親正逐步康復。問到母親患甚麼病，她說：「係血出現少少問題，唔算血癌，但要睇住度數。（壞血病？）冇呀，問題唔大。」問到情人節會否帶男友探媽咪，她微笑說：「佢不嬲好好，陪我探媽咪，情人節同屋企人過，會帶埋男朋友一齊過，好多謝佢之前咁忙碌都幫我睇舖！」