陳奕迅預演「赤口」

陳奕迅早前獲母校Kingston University頒授榮譽博士，老婆徐濠縈、女兒陳康堤及一班好友，包括梁漢文（Edmond）夫婦、郭偉亮及葉佩雯等人齊齊飛到英國見證他榮升「Dr.Chan」的開心時刻。

「大家咁話」爆火

部分友人於昨日返港，Eason一家三口約2時半出閘，坐完長途機的康堤依然精神奕奕。反而Eason甫出閘即呵欠連連，但仍面帶笑容叮囑記者小心，問到此行玩得是否盡興，他說：「搭咗咁耐機唔好搞我！我唔會答你哋嘢，你哋放棄啦！」問到是否豪花100萬包大家全團使費，他沒有回應。

眼見康堤不斷被影，Eason忍不住提早向記者開年：「你哋真係唔顧小朋友感受！」其後又爆出一句「新年快樂」，當記者亦恭祝他「大家咁話」時，會錯意的他隨即扯火說：「咩大家咁話？我話你唔顧小朋友感受，你話咩大家咁話？」記者即解釋是想祝他新年快樂，身旁的徐濠縈見老公又變「黑面神」，即拉住他的手，並示意他控制情緒，之後便與他拖手離開。至於Edmond與老婆林文慧比Eason早15分鐘出閘，他甫見記者即說：「哎吔！冇帶利是添！」問到此行是否由Eason全包，他笑笑口說：「你哋問番佢啦！」而與Eason同往英國的郭偉亮及葉佩雯夫婦則未見返港，估計是轉往法國慶祝葉佩雯生日。