馬賽及陳山聰去年均受情傷影響，令事業陷入谷底。踏入馬年，兩人均積極備戰重新出發。馬賽坦言去年是最艱難的一年，故趁着農曆新年到沙田車公廟拜車公及轉風車，祈求轉個好運。去年因感情事令工作量減少的馬賽，未有自我放棄，反而學習唱歌、演戲、閱讀及偕同朋友到外地旅遊增廣見聞：「雖然只得年初一出席花車巡遊活動，但賺來更多時間陪屋企人，好好充電同期待新一年嘅工作。我唔心急，相信上天自有安排！」

山聰舞獅迎馬年，打響頭炮！

馬賽到車公廟買風車，期望轉出好運。

另一邊廂，山聰最近為拍攝監製李添勝的新劇《官場浮世繪》不惜剃頭，但透露因未做好準備而推掉王心慰的新劇：「多謝王心慰好意，但我希望每樣嘢都逐步做番好先，專心一意。咁啱我完成咗嗰份工作，樂小姐（樂易玲）就叫我傾約，我哋一拍即合！呢個係好開始，馬年我會繼續做足本分，做番條『新聰（葱）』！」兩人祝福讀者馬年步步高陞及事事順景！