《好報》於昨日披露周秀娜列8大「奪娜清單」招親，誓要脫離單身行列，事後她直言邀請追求者決戰ifc之巔，她更努力提升廚藝，為拍拖做好準備，並想搵個識跌打的男友。

娜姐努力學廚，為拍拖做好準備。

娜姐拿着多封大利是，希望她早日以人妻身份派啦！

娜姐在《好報》列出「奪娜清單」招親，誓要搵個好男友。

蛇年Dry爆的性感女神周秀娜昨日在《好報》揚言馬年要搵到情郎，還列出8大「奪娜清單」招親。昨日娜姐在電話中邀請一班猛男於年初三決戰，她說︰「如果大家有興趣，年初三赤口一齊約去決戰ifc之巔，打贏咗又冇被人拉，我咪嫁畀佢囉。」她強調「奪娜清單」要求屬正常，還希望將來的另一半識跌打，可以照顧經常受傷的她。

舊愛Avis送祝福

此外，娜姐為招親作準備，趁農曆新年到酒樓提升廚藝，學整「三文魚齊齊撈起」和「柚子蜜鴛鴦蝦球」兩款菜式，寓意事業風生水起，感情有着落而且甜甜蜜蜜。娜姐少時已跟母親入廚房，但並非偷師而是偷食，故她自嘲廚藝只有煮公仔麵才達到神級境界。為求找到好男人，娜姐揚言新年要做個入得廚房的女人，問到會否靠呢招綁實男友？她笑說︰「咁佢咪要娶廚師？我鍾意食嘢同煮嘢，整完畀人食都開心嘅，如果諗到人哋食到你嘅嘢時佢會話好好味呀，呢個過程都會幾享受。」

而娜姐前男友Avis昨日接受電話訪問時，支持舊愛招親，還力撐「奪娜清單」要求正常，他說：「佢係女超人，搵番個叻人襯佢好正常。我會祝福佢，希望佢快啲搵番個男超人。」