Chilam財源滾滾狂派錢
去年名利雙收的張智霖（Chilam），到西貢大廟前舞獅打鼓，祝「東方報業集團」讀者馬年如魚得水、萬事勝意。他透露一家人農曆年出埠度假，並預備派5至6位數字利是！至於新一年銳意於影壇出擊的Chilam，將化身「港產李察基爾」重拍當年荷里活經典之作。
Chilam到西貢大廟前舞獅，祝「東方報業集團」讀者馬年如魚得水、萬事勝意！
Chilam坦言會派5至6位數字利是，總之要大家高興。
Chilam打鼓氣勢十足，希望今年在影圈及樂壇全力出擊。
張智霖到西貢大廟前舞獅打鼓，祝「東方報業集團」讀者馬年如魚得水、萬事勝意。Chilam所到之處頻頻被粉絲包圍要求合照，他幽默地說：「話明『最受歡迎男主角』嘛，職責咪同人影合照囉，哈哈！」雖然張家沒有指定的過年習俗，不過他揚言每年都愛一家三口到年宵市場「行大運」﹕「今年仲落咗去搞簽名會添！記得有一年我整親隻腳攞住拐杖，喺花市睇中咗棵桃花，行動不便都要搬返屋企，認真難忘。（唔怕畀人認得？）都係咁啫！如果囝囝扭計買玩具，都會買畀佢，亦唔會講價，等大家發多啲新年財嘛！」
馬爾代夫度假
今個農曆年，Chilam一家將到馬爾代夫度假，享受陽光與海灘再返港搏殺，首次到訪當地的他對這個「Hot爆假期」熱切期待，不過澄清絕對不是出埠避年：「初四先飛，其實一年一次派利是係必須嘅，我好鍾意派喎！等香港人開心啲嘛，預咗派5至6位數字！」至於新年願望，他表示非常傳統：「都係想家庭和睦、身體健康，自己參演嘅電影大收，場場爆滿咁囉！」
化身「李察基爾」
據悉，Chilam銳意延續去年氣勢，今年在影圈及樂壇會全力出擊。導演葉念琛計劃改編及重拍當年荷里活經典作《風月俏佳人》，Chilam將化身「港版李察基爾」，演技再次受挑戰：「要演個脾氣古怪但有財有勢嘅角色，佢啲錢多到用唔晒，相信到時啲道具都會好豪。（女主角係邊個？）暫時未講得住，但製作費唔弱，會去北海道取景。」電影預算3月底開拍，待竣工後Chilam隨即投入籌備紅館個唱，馬年檔期已排得滿滿的他，為自己及經理人公司帶來不少進帳，做個名副其實的「運財童子」。
