薛家燕、湯盈盈、滕麗名、敖嘉年及麥長青等，昨日出席劇集《新抱喜相逢》花車巡遊活動，阿滕表示新年會出埠3日，問到是否避年？她說：「初三返喇！你估初三唔使派咩！（大封啲？）個利是封大啲啦！」至於盈盈則會帶囡囡拜年：「我教佢『請請』佢冇理我，掛住睇電視！（收利是收番夠本？）我派都有凸啦！」至於二人在劇中均有「老公」，現實中的老公可有呷醋？盈盈表示老公錢嘉樂見到她與敖嘉年接吻會生氣，阿滕則直接轉台不讓老公收看。另一邊廂，家燕姐出席電台活動時表示，希望《新》劇大收，並祝大家身體健康。

阿滕（左起）、麥長青、家燕姐、呂珊、敖嘉年及盈盈等大派清潔用品。