名模陳嘉容明天年三十晚會與家人食團年飯,不過因H7N9已殺入內地供港雞場,過年沒有活雞食,她說:「我屋企年年團年飯都會食活雞,我會幫媽咪手斬雞,整豉油雞我都OK,今年冇得食都冇辦法,唔會食冰鮮雞,都唔好食嘅。惟有用其他菜式代替,食多啲海鮮,例如魚、海參、鮑魚同花膠。」仍是單身的她,趁行花市時,希望行個桃花大運,遇到合適對象更不排除閃婚。

陳嘉容行花市,希望早日覓得真命天子。

雖然陳嘉容指冰鮮雞味道欠佳,但「廚神」肥媽及黃淑儀則表示,冰鮮雞一樣能煮出美味。肥媽說:「喺個肚內外搽滿粗鹽,再用薑、蒜及葱墊底放落電飯煲蒸,跳掣後等5分鐘先開蓋,煮出嚟一樣Juicy。」至於黃淑儀則說:「最好煮豉油雞囉!最緊要豉油同玫瑰露靚,搞好啲個芡囉!」