薛家燕與于洋在賀年劇《新抱喜相逢》中飾演夫妻，原來在年輕時于洋曾力追家燕姐，今次「舊情人」合作，便似足翻撻大搞「黃昏戀」！早前拍攝一場沙灘戲時，二人等埋位期間排排坐看海，背影超有愛，似足一對夫妻。

家燕姐孭飛《新》劇引爆笑聲賀歲。

于洋與家燕姐早前拍沙灘戲，等埋位時齊齊看海。

于洋、薛家燕

想當年于洋是家燕姐的同學，首部當男主角的電影亦由她出任女主角，非常有緣，而且互有好感，但卻被薛母棒打鴛鴦，家燕姐憶述：「當時我哋互有好感，佢仲揸架幾十萬嘅車接我去街，但係嗰架係『趕絕外母型』、得兩個位嘅車，咁我媽咪就唔鍾意，因為冇得坐，當時啲星媽管得好緊，所以冇再發展落去。」家燕姐表示與于洋現在是老朋友，雖然做不成戀人，但能在劇中續前緣，仍非常開心。