陳茵媺（Aimee）與陳豪的愛情結晶品於上月誕生，正坐月的她指兒子Aiden Joshua很大食，每隔二個半小時便要吃一次人奶，一個月已重了五磅，又大讚他聰明。作為新手媽媽的Aimee覺得湊B有難度：「佢好醒瞓，最難係氹佢瞓，最初唔知邊個位佢先瞓得舒服，足足用咗45分鐘先氹到佢瞓，嗰一刻好開心，覺得媽咪唔易做，要堅持又要有耐性。」問到會否馬年追B？她說：「睇天安排。」

有子萬事足的陳茵媺，提早與讀者拜年，祝大家身體健康！

形容老公是Perfect Man的Aimee對於升呢為人父母，卻覺得與陳豪都沒有太大轉變，只是多了份責任感：「大家都冇覺好瞓，最初以為大家都係緊張家長，但又唔係喎，都好淡定！」她主演的《單戀雙城》最近出街，勾起其戲癮：「團火仲未熄，但要睇身體情況及BB先知幾時復出。」她指劇中角色似其意想不到的愛情寫照。