前餅碎成員吳雨霏（Kary）及楊愛瑾（Miki）前晚出席時裝騷，穿開窿服裝的Kary微露波邊，穿低胸裙的Miki則谷胸上陣，大鬥性感！問到性感打扮是否先要男友批准，Miki否認：「冇話要畀咩人過目，都唔係好性感，只係襯番個場合。（有冇性感底線？）低V開到肚臍都OK，但我未試過。」對於有傳好姊妹鄧麗欣已與方力申結婚，她指對方一定未婚：「如果佢結婚我一定知，佢唔會呃我！（佢係咪註冊但未擺酒所以唔同你講？）唔係，我哋冇秘密。」

性感上陣的Miki與Kary鬥搶鏡，各領風騷！

Kary

另外，Kary自爆曾做時裝店老闆娘，但蝕本收場：「頂咗手幾個月就蝕咗近八萬蚊，因為爸爸都係做生意破產，所以佢對我做生意有啲保留。（以後唔再做生意？）睇定啲先！」