胡杏兒前晚穿低胸黑色魚尾裙出席時裝騷捧設計師好友場,被指打扮性感的她笑說:「都唔係好性感,最緊要靚,打晒底。」她透露當年奪視后是穿由對方設計的服裝。

「峰」芒四射的杏兒唔講戀事,以免「愛苗」難長。

對於早前傳有新歡?杏兒即說:「依家好多傳媒跟,唔想亂講,多謝關心!(係咪肯定咗先講?)唔講喇。(拍拖先講?)暫時都唔講。」似乎想低調護愛苗!再追問是否結婚才肯講?她無奈地說:「冇諗住結婚,都冇時間拍拖。(情人節有冇人約?)講咗就有狗仔隊跟,總之情人節冇人約,呢期想休息吓想自由啲,想做乜就做乜,唔需要計劃!」