無綫主持宋熙年於公仔箱前一本正經，想不到她自拍時最愛整古做怪，完全不顧斯文靚女形象。搞鬼的她先扮雞泡魚，瞇眼兼鼓起腮，更出盡力皺眉，望落的確有幾分相似！其後她再睩大雙眼，喪嘟「話梅嘴」，兩頰立即收縮，瘦面效果一流，非常頂癮！如果覺得未夠喉，再用單眼放電，索性一隻眼電暈你，並趁大家未暈低，大晒兩排又白又齊的牙齒，簡直可以代言牙膏品牌！宋熙年又笑言以上面部表情純粹「小兒科」，皆因自己「唔正經」：「平時主持節目同活動，因為要尊重場合，所以形象一定要正經，不過其實私底下嘅我可以唔正經，因為同熟人可以好玩得，所以呢啲表情好濕碎！」

平日斯斯文文的宋熙年，想不到扮起鬼臉完全不顧形象！

宋熙年扮雞泡魚，粉絲覺得似唔似？

瞇眼露齒，完全不顧形象。

單眼放電，粉絲有冇電親？

嘟起「話梅嘴」，既可愛又搞笑。