岑麗香（香香）及王浩信（Vincent）昨日出席尖沙咀慈善義賣活動，Vincent受訪時自爆早前與香香齊齊攞「飛躍男、女藝員」獎後，至今仍未曾合照，香香聞言即出言調侃：「靠你受咗咁多巴，我先可以同你齊齊攞獎咋！」Vincent亦搞笑反擊：「咁你使唔使依家醒番我一巴？」香香立即搖頭說：「唔好啦！（被摑）夠啦你！」

香香被Vincent抱着的小妹妹一親「香」澤，即時甜笑！

其後Vincent稱「心思思」想添丁：「我部電話有晒囡囡三個月嘅相同片，但一跌咗就『斷晒片』！（生多個補數？）我好想追個仔，想湊番個『好』字，屋企都畀壓力我哋！」

問到新年有何安排？香香指年初一至三都會留在家中背劇本和品嘗賀年糕點。而Vincent則表示已預備五位數字派利是，年初二、三會放假陪家人。