劉丹昨日出席無綫劇《愛．回家》新春盆菜午宴，與一眾公公婆婆提早做節。丹爺表示收到高層最新消息，該劇將繼續拍下去：「高層話一日唔叫停都繼續拍，我希望可以破《真情》紀錄，因為《真情》當年係1,128集，哪怕我哋1,129集都好，如果兩個紀錄都係我有份參與就開心。」談到懷孕新抱楊冪的近況，丹爺即笑晒口說：「幾好呀！幾開心。」他又透露兒子劉愷威及新抱於農曆新年期間要在工作度過，故未能回港向他拜年逗利是。對於楊冪今年首次以新抱身份過年，問到如何給身在遠方的新抱利是時，他笑說：「叫阿仔幫手代支住先囉！」他又爆老婆透過微信教新抱養胎心得：「我老婆睇咗好多書，佢同新抱成日互通訊息。」丹爺又指兒子十分緊張老婆：「當年第一胎我都緊張，冇經驗嘛！第二胎就會輕鬆啲。」

劉丹提起新抱楊冪即時笑晒，心情大靚。