巨星周潤發於電影世界艷福無邊，但現實中與發嫂結婚20多載仍情比金堅。發哥日前在北京接受《東網》獨家專訪笑談保持零緋聞的心態，對於發嫂被指管錢又代推片約，他坦言太太無奈做了醜人，但笑指女人都是Trouble ，男人要忍讓！

發哥自爆不會輕易動氣，亦不介意「認衰」，難怪與發嫂結婚多年依然恩愛！

發哥與發嫂結婚20多年一直相敬如賓，不時結伴出席活動。

予人形象風流倜儻的影帝周潤發，其實出名是超級好丈夫，與「發嫂」陳薈蓮於1986年結婚，一直有影皆雙，非常恩愛。發哥日前在北京接受《東網》專訪時分享夫妻相處之道，坦言兩個人相處難免有摩擦，但他不會輕易動氣，亦不介意「認衰」：「盡量兩個人夾榫位，一個凹一個凸，不過多數都係我衰架喇！我比較粗魯啲，如果我唔覺意整到啲嘢，就我整番佢，話對唔住啦！」發哥又提起其經典電影《秋天的童話》，笑指女人都是Trouble：「你冇睇船頭尺咩？Trouble嘛！女人係茶煲嚟嘛！個茶煲煲咗，你仲倒啲油落去，咪死得？男人一定要忍讓！（發哥完全冇脾氣？）嘥氣啦！我喺個心度笑，你咪嬲死佢囉！你嬲又唔係我嬲！」

自認悶蛋

提到坊間總是指發嫂「管教」甚嚴，除了掌管財政大權外，更為他推劇本，發哥即出口護妻：「劇本某程度上都要我鍾意先嘅，誤會咗佢啫！有時佢做咗醜人啫！錢由佢管理我放心，我唔太Care，反而你有咗呢啲就唔會集中精神做嘢，會想開餐廳、投資呢啲嗰啲！分咗心，我老本行都係演戲，呢啲嘢唔好煩我！」至於婚後一直保持零緋聞，發哥表示沒有「飛來蜢」投懷送抱，最多只要求合照：「演員喺戲入面有好多艷遇，三個月拍套戲，你咪愛足佢三千年囉！完咗之後就『叮』，玩完囉！」提到戲中的角色多數浪漫富情趣，發哥卻自認悶蛋，頂多只在太太生日時送花，笑言不想太驚喜嚇親另一半，亦沒有「BB」、「豬豬」等肉麻暱稱，只是以「老公」、「老婆」相稱，相敬如賓。

《東網》遠赴北京獨家專訪影帝周潤發，今日播出《發哥專訪3》，他繼續滔滔不絕分享人生閱歷，大家密切留意！