糖妹戥Eason開心

曾於頒獎禮被Eason點名打氣的糖妹（黃山怡），昨日與李紫昕（Purple）出席電影首映時，對於Eason獲頒榮譽博士學位，糖妹笑說：「恭喜佢，好替佢開心，我阿媽都成日叫我讀番書！」她又感激對方的鼓勵。另外，問到可會想參與內地歌唱比賽騷歌喉？糖妹坦言不夠膽：「我唔知有冇咁嘅能力，不過如果獲邀，點都會試咗先！」同場的Purple曾被指刻薄傭人要傭人瞓廁所，Purple再次澄清是誤會一場：「佢做得好開心，啱啱仲續咗約。」並稱希望最近發生的虐傭案早日查個水落石出。