謝霆鋒近日忙於在內地「走省」宣傳新片，化身「男版汪明荃」斥責有新人拍戲遲大到，為了給對方深痛教訓，霆鋒離開拍攝現場返回酒店，待對方「善後」：「我入行就嚟16年，從來冇遲過一分一秒！」

童菲準時咁乖，難怪霆鋒與她有說有笑。

有投資者于冬（左）伴住宣傳，盡顯童菲和霆鋒地位超然。

周冬雨和井柏然亦曾跟霆鋒合作，現今已能獨當一面。

井柏然

霆鋒前晚在北京出席王晶新片《賭城風雲》首映禮後，翌日凌晨5時起床摸黑趕飛機，昨午飛抵深圳繼續宣傳。戲中與霆鋒演一對的「晶女郎」童菲，坐在霆鋒身旁顯得相當緊張，說話陰聲細氣，只淡然指他在片場寡言酷爆。霆鋒受訪時直言與童菲拍戲未有難忘事，雙方似乎並未因合作而變得熟落，不過霆鋒仍大讚對方：「佢好乖同有禮貌，起碼冇遲大到，呢樣嘢唔係個個做得到！」

據悉，霆鋒年前與楊冪合拍《消失的子彈》時，也曾大讚對方：「她很專業，很敬業，從不遲到。」可見他非常「痛恨」遲到這種惡習。

霆鋒事後不開名斥責某位曾合作過的新人：「拍戲時起碼遲半粒鐘！當然我唔會畀呢件事繼續發生，所以咪自己返酒店先囉！（搞到咁大件事，佢點收科？）要畀深刻教訓佢，佢唔係淨係影響我，係影響緊成個劇組！」霆鋒自言入行至今都以守時見稱：「有時可能自己調校晏少少到，但唔使整頭同化妝，慳番啲時間。」談到日前導演爾冬陞投訴演員耍大牌，霆鋒直言略有所聞：「佢講嘅嘢我完全明白，有時做導演真係好慘，所以點解曾經有人搵過我做我都唔肯。」其實經年在內地拍戲的霆鋒，合作過的新人不計其數，包括內地影星井柏然、王柏傑及周冬雨等，誰是霆鋒口中的「遲到天王」，相信只有當事人心中有數。

新片「史上最貴」

而《賭》片投資者于冬笑言該片是「史上拍得最貴的笑片」，台前幕後均對票房相當有信心，倘若票房逾4億人民幣，便會開拍續集，霆鋒說：「票房呢啲嘢唔敢諗喇，太多外來因素，況且開唔開（續集），都要睇發行嘅。」