貝安琪昨日以真空性感造型現身活動,前後失守,透乳貼及內褲邊,而且背部粉底明顯一撻撻粉迹,「鴛鴦背」大殺風景!

貝安琪真空上陣騷胸,可惜背脊一撻撻粉,大殺「峰」景!

快將25歲的Baby,已經有生B大計!

吳嘉龍(中)及貝安琪聯同模特兒一同行騷。

名模貝安琪(Ankie)昨日出席首飾品牌Thomas Sabo活動,真空大露背的她前後失守,乳貼及內褲邊若隱若現,背部粉底亦可能因打得太厚,出現「鴛鴦背」,大殺風景!早前不少女星因活動場地設計有漏洞而不幸「被走光」,問到會否擔心在其他活動再出現同類事件?她說:「上次件事之後會小心啲,好彩嗰日着對黑絲襪都OK。」談到有否收過男生送首飾,她坦言從來沒有:「自己亦唔會收,除非求婚戒指同鍾意嘅人。」她表示目前是單身,但不怕過Lonely情人節:「我好正面,實會遇到Mr. Right。(怕唔怕做剩女?)你哋已經寫我係啦!不過我唔覺。」

Baby恨意外生B

同場出席嘉賓還有Angelababy(楊穎)和吳嘉龍,其中Baby自爆快將25歲,感到害怕:「20歲前都好期待生日,呢幾年只係食個飯慶祝,冇大搞,上年冇慶祝添!」問到男友黃曉明是否結婚對象時,她說:「唔知!如果結婚一定同大家講!(日子近?)應該唔會今年,30歲前一定要生BB。」問到假如有「意外」時,她即說:「有意外就好!(隨時Ready?)我好鍾意小朋友。」她認為意外懷孕是天賜的禮物,當然欣然接受!