對於Stephy在公開活動中拒認方太，卻又不肯發誓，昨日方力申接受電話訪問時與對方口徑一致：「知道啦！同佢傾過，咁真係冇秘婚嘛，唔係咩大新聞，佢唔使發誓啦！（咁你發誓得唔得？）我可以發誓o架！」隨即再護「妻」指Stephy是因知道傳媒作弄她才不肯在人前發誓。他自認會說善意謊話，又指結婚是開心事，一定不會隱瞞，問到有否結婚計劃？他則拒絕透露：「講咗出嚟咪冇神秘感？唔好畀壓力我啦！」

方力申與鄧麗欣感情穩定，早前被拍到撐枱腳。

杜德智（右）報定名做方力申的兄弟團。

另一方面，小方一連兩日與歌手杜德偉的哥哥杜德智做Gym，還在微博分享運動後合照，杜德智接受電話訪問時表示與小方相識七年，但鮮有談感情事：「我哋多數講運動，唔知佢有冇秘婚喎！不過如果佢請我做兄弟，一定會做！」