劉愷威與內地女星楊冪結束愛情短跑，將於明日在印尼峇里島共諧連理。新郎昨日回港會合家人及未婚妻，難掩興奮心情。提到盛傳楊冪懷有身孕，他未有否認，頻以笑回應，並笑言有消息自會向外宣布，不排除隨時雙囍臨門！

準新郎劉愷威不時冧爆甜笑，相當期待婚禮。

有見記者連日奔波追訪，楊冪鞠躬表示謝意。

楊冪完成工作後即趕赴劉丹家中，期間不忘以披肩護肚。

現年39歲的劉愷威將於明日在峇里舉行婚禮，更包下整間星級酒店迎娶拍拖約兩年的28歲女友楊冪。一對新人婚前仍為工作忙個不停，楊冪專程來港拍廣告，準新郎則於內地「奮戰」至最後一刻，昨晚6時許終現身香港機場，打算會合家人於今晚7時飛往峇里。

大忙人未諗度蜜月

劉愷威邊行邊受訪，提到有傳「雙囍臨門」？他不時哈哈大笑，其後才說：「有消息會通知大家。（太太婚後減少工作？）其實每件事都可以平衡到嘅，唔一定要放棄。（有小朋友呢？）有先啦！（做好準備做父母？）成家立室、有小朋友對我嚟講都好重要，依家就往呢個目標出發。」問到可擔心嬌妻拍廣告會動胎氣？他繼續哈哈大笑。

此外，他透露不想打擾圈中好友，故只邀請了親友參加峇里的婚宴，暫時無意在港補擺喜宴。他又表示因工作忙碌，尚未計劃度蜜月：「其實今次一大班人，好似去旅行咁好開心！我哋3日後就要做嘢，我手頭上已經有兩個Project。（婚宴畀驚喜太太？）個個（指記者）都去到，有都變冇啦！（發相畀大家？）一定會影啲，如果唔靚仔就要執執喇！」至於連續2天在港拍攝廣告的楊冪，昨日同樣於傍晚約6時收工，離開時頭戴冷帽兼繼續以披肩護肚，其後登上座駕直駛老爺劉丹的寓所，約10分鐘後，愷威亦返回家中。心情大佳的愷威於微博轉發主演劇集劇組送上的祝福字句，並留言提醒伴娘唐嫣趕快飛峇里。