劉丹：係做老爺

娶新抱做新老爺的劉丹，前晚和新抱楊冪吃飯後，昨日心情大靚地趁出發出席婚禮前打高爾夫球熱身。下午2時許，劉丹親自駕駛名車離開寓所，直往長沙灣亞洲高爾夫球會，停車後隨即由車尾箱取出球桿和球鞋，即場換鞋，記者上前恭喜新老爺，劉丹笑晒口，至於前晚和楊冪食飯有否準備特別菜式，他說：「好簡單，佢食啲嘢都好簡單。（有冇煲咩畀新抱仔補身安胎？）唔使、唔使，遲啲先。」期間有途人上前恭喜他快將做阿爺，劉丹笑着說：「係做老爺。」他又表示今天出發往峇里，將逗留兩天，而婚禮安排及賓客名單均由楊冪經理人負責，他們也不太知道詳情。他倆入到球會碰見大隻仔溫家偉，兩人笑晒口傾偈，其後更孖住打波。