佘詩曼（阿佘）、周家蔚及湯盈盈等前晚於觀塘出席曾志偉舉辦的倒數派對，新一年志偉希望開心順利。而早前椎間盤移位的阿佘透露已康復七成，因為要食藥，故不能飲酒，問到知否「1314」要與男仔度過？她說：「上面唔止女仔，都有男士，我晏到先冇特別打扮！」阿佘又在倒數活動中表示，希望今年覓得真命天子，記者笑指同場的吳卓羲，她笑說：「我冇諗過，似兄弟多啲。（再攞視后？）冇，好大壓力，買多層樓好過！」吳卓羲則讚阿佘有義氣又顧及身邊人，談到感情方面，他說：「相士話我工作上係冇腳雀仔，唔介意女仔主動。」而周家蔚則希望追個女：「同老公會食啲啱嘅嘢調理身體，如果都係仔，咁就生到三個停。」

毋懼寒風的阿佘穿上小短裙，與吳卓羲一齊倒數。

身為搞手的志偉親自捧着食物到場，認真有心！