踏入2014年，娛圈喜事接踵而來！梁烈唯與圈外女友Tina昨日註冊結婚；而內地影星吳京昨日凌晨亦宣布和內地節目主持人謝楠領證結婚，在這個「一生一世」的大日子齊齊做老襯！

唯唯與穿婚紗的老婆甜蜜登場，令人羨慕！

袁偉豪（左）和一對新人合照，又踢爆好友唯唯超緊張！

梁烈唯和女友Tina昨日於酒店註冊結婚，結束11年愛情長跑，婚宴將於十月舉行。穿白色西裝的唯唯與老婆襯到絕！現場布置簡單，只有一塊粉紅色布景板，苗僑偉夫婦、張智霖夫婦、黃日華、胡定欣、樂易玲、陳敏之及袁偉豪都有到賀。唯唯宣讀誓詞時雙手顫抖，他解釋：「我同太太進場時真係百感交集，湧現好多畫面！（太太有冇喊？）佢好叻，知道一講嘢就會喊，所以留畀我講，直到見到一個好耐冇見嘅朋友先忍唔住喊！」而好友袁偉豪大爆唯唯進場時緊張得呼吸急促。而前晚出席倒數活動時，唯唯表示會盡快造人：「要努力！有心都要睇個天畀唔畀！（生幾個？）兩個夠啦！」至於鄭希怡日前為Tina搞驚喜制服派對，賀好姊妹出嫁。

子丹華哥賀新人

而吳京特意選在「1314」於微博宣布和女友謝楠的婚訊，其經理人指二人拍拖兩年，早前已領結婚證書，想在特別日子公布，又透露一對新人忙於工作，故未定婚宴日子，但預計會在今年內舉行。曾與吳京合作的甄子丹和任達華均祝福一對新人早生貴子，但華哥笑說：「不過佢要留啲力，因為四月拍《殺破狼》續集，要同Tony Jaa對打！」