賭王何鴻燊四太梁安琪與四名子女超盈、猷亨、猷君及超欣，前晚出席於君悅酒店舉行的除夕倒數派對。四太率先到場，猷君則攜同女友Francesca赴會，兩人更十指緊扣進場。當中以超盈最為搶眼，身穿寶藍色高衩晚裝裙亮相，由於開衩甚高，令她不慎露底。

何猷君拖實女友進場，超盈則以性感長裙赴會。

何超盈

期間，四太中途離場一會，由猷亨負責送母親上車。問到是否與賭王慶祝？四太說：「依家返去，佢啱啱瞓醒。（返去陪賭王睇煙花？）返去咀唔得咩？（有冇煮大餐畀賭王食？）冇，清清哋先可以一生一世。」她表示新年願望是大家由年頭好到年尾及子女聽話，猷亨則表示新年願望是父母及兄弟姊妹身體健康。

此外，猷君與女友在場煙韌咬耳仔，倒數後，他先送女友回家再會合友人到中環夜蒲，凌晨4時許才盡興而回。