張智霖出席倒數活動時笑指無綫「唔鍾意我」,於台慶頒獎禮後沒有人與他洽談合作。他承認有內地節目出動千五萬人民幣打動他「父子檔」演出,但考慮到會影響愛兒的學業,已拒絕邀請。

張智霖甫士多多,似乎非常期待新一年的來臨。

翟威廉(左起)、胡杏兒、張智霖、沈卓盈及高鈞賢齊齊拉花炮賀新禧。

以紅色Sharp醒造型上陣的杏兒即席大展歌喉。

張智霖(Chilam)、胡杏兒及沈卓盈等前晚到荃灣出席倒數活動,現場擠得水洩不通,Chilam甫亮相即令在場女士尖叫!

胡杏兒開口恨滋潤

受訪時,問到今年會否繼續當「義氣仔女」?Chilam即笑說:「即係拍唔拍劇?會呀,公司幫我接咗套內地電視劇。(TVB嗰啲呢?)未喎,冇人接洽我喎!你都知TVB唔係咁鍾意我……講笑咋吓!(有傳內地出千五萬人民幣(約1,900萬港元),搵你同魔童上《爸爸去哪兒》?)係有接洽過,不過一星期要拍足幾日,影響囝囝學業,所以都推咗。」

問到單身的胡杏兒新年願望是甚麼?她說:「電影方面有計劃,希望有進步,同埋身體健康,因為咳咗好耐,可能同天氣凍同乾有關。(好Dry?)希望來年潤番啲啦!」但她表示不急於拍拖,又發表「單身宣言」:「依家自由啲,拍拖需要交代好煩。」她又自言「唔悶得」,故不適合做少奶奶。至於蜜運中的沈卓盈則撇下男友,她說:「佢有少少詐型,但都明白工作重要。」她又表示拍拖只一年多,故不急於拉埋天窗。